Let it go!!
08 / 06 / 16
成日講要贏在起跑線,其實真係咁重要咩?
我好大個先讀書
媽媽話想陪我多D, 所以我四歲先讀K1 。姐姐喺瑪利諾,媽媽梗係想我考埋入去啦。點知到最後面試,因為我口齒唔伶俐而唔收我...
媽媽之後帶住我四圍撲學校,好驚我無書讀, 好彩最後德雅肯收,不過都係要等waiting list ..
自問唔係讀書材料,成績真係好一般, 好彩識唱下歌仔,入咗聖詠團,學咗好多彌撒歌曲及流程,呢樣對我依家嘅工作真係好大幫助。
其實我讀書咁差,入到瑪利諾咪盞包尾! 中學畢業後附碌入到演藝學院,上咗兩個月就知道自己跟唔上,讀完兩年咪要搵嘢做囉!
其實所有嘢都係有安排。
我諗我呢條人生起跑線都算差掛!
好彩好快就知道現實,我無浪費到時間。畢業後教咗幾年書,25歳正式入行.
媽媽係普通家庭主婦。由細到大,佢只希望我可以成日陪佢就夠。爸爸媽媽對我無咩期望,唔好學壞就得喇。所以當年佢俾好大自由度我去選科,去發展自己嘅事業,更支持我做每一個決定!
今日都未係有咩成就,但至少係做緊自己好鍾意嘅工作,最重要係自己揀架...路係自己行出嚟,所有際遇都要靠自己去面對 . 各位爸爸媽媽,你安排得幾多吖?let it go 啦!